姊妹淘

跟J小姐去撑檯腳因為大家口味不一最好便是食自助餐或放題,這趟姊妹淘便揀選御滿屋日本料理吃日式放題便可各吃所愛啦^0^
御滿屋地點超級便利旺角港鐵站一出行兩步便到,吃罷大家回家也十分便利啊~ 
這夜星期四成人收費$238+10%,喜歡它唔使趕頭趕命食足3小時!!
如果要求質素高點的朋友可加$68升級美食可無限任食鮑魚,鵝肝,松葉蟹,靚刺身及海膽都幾抵咁呢!!
飲品自取款式很多汽水,茶類,果汁,啤酒都有供應總有一款合心水的^0^ 
自取區有中式湯水,青口,沙律,新鮮生果任取~ 


連朱古力噴泉也有供應呢~ 
見到一櫃Movenpick雪糕興奮得很呢!原來每位只送一杯可惜不是任食呀!! 
甜品櫃內放上各式和果子,cut cake,奶凍,啫喱杯及布甸等等,企理又衛生抵讚^0^ 


好喇肚子打鼓了先叫刺身吃是常識吧!!擺盤精美的刺身拼盤轉眼便上檯喇~ 
{鱆紅刺身}外表光澤鮮明吃下也富彈性味道鮮甜質素不俗啊^0^ 
{三文魚刺}身同樣新鮮橙紅明亮的三文魚肉質軟滑,味道亦夠鮮甜呀~
{甜蝦刺身}連蝦頭的甜蝦個子不少,入口軟糯黏咀味道甘甜我吃了超多隻呢hehe~ 
估不到這兒的壽司質素挺不俗,這個{芝士軟殼蟹卷}壽司飯質感剛好,味道鹹香好吃~
{火炙穴子片壽司}略嫌炙得不夠但加上鰻魚汁總是好吃的~ 
{海膽花竹蝦壽司}和{泰式生蝦壽司}兩款中偏愛後者生蝦爽彈那點畫龍點睛的泰式辣醬令整件壽司升值不少呢!! 
{瑤柱蟹粥}有睇開我blog的朋友一定知我最like這味,質感綿滑的蟹粥有一顆顆米粒果然真才實料,味道也算不錯我俩輕易幹掉了一窩~
炸物點了芝麻雞翼,御品榴槤炸彈及芝士年糕每樣也高水準啊~ 
{芝麻雞翼}炸得外脆內嫩,雞翼味道醃得剛剛好,不是飛滋作祟的我想吃多兩隻呀~ 
{御品榴槤炸彈}呢粒炸彈不得了,外層脆卜卜內裡的榴槤蓉香甜味濃重重的迷倒我這榴槤癡,好吃得最終將飛滋抛到九霄雲外後點多兩粒獨享呢^0^ 
燒物要了{串燒墨魚丸}丸類中最愛它!!燒至少少焦香還帶點沙嗲香咬落煙韌不糊口好惹味~ 
{燒有機蕃薯仔}當然不可放過,軟綿綿的微甜蕃薯仔吃得我很愜意囉^0^
另一樣不可不吃的{燒有機菠蘿}燒至微焦一口咬下爆汁非常還差點濺到J小姐呢!!菠蘿經燒過後更加香甜味美我倆吃了10件才肯收口呢haha~ 
重點推介{鐵板大蝦}集新鮮,爽彈,鮮甜共一身香口惹味好好好正呀,冇想過放題有如斯質素的美食呢^0^
忽然很想吃海蜇這兒的也爽脆味道香香辣的我頗喜歡啊~ 
最後整碗{日式烏冬}湯底又唔錯噃帶香濃木魚味烏冬又夠煙韌唔會淋pat pat呢^0^ 
鹹食夠喉了吃點新鮮生果後進軍甜品嚕,先來三粒馬卡龍須然不是頂級美味但放題有如此質素確有驚喜啊~ 

其它甜品質素不算十分出色,但當中的木糠布甸和朱古力慕絲也頗好吃~
最期待的Movenpick雪糕得一杯咋!!要了士多啤梨味正好給這場放題來一個甜美的終結呢^0^ 

留言

張貼留言

熱門文章